Policia u përlesh me protestuesit në kryeqytetin gjeorgjian Tbilisi në orët e para të mëngjesit të së premtes, pasi partia në pushtet tha se qeveria do pezullonte bisedimet për anëtarësimin në BE dhe do kundërshtonte grantet buxhetore deri në vitin 2028.
Ministria e Brendshme e vendit tha se tre policë u plagosën gjatë përleshjeve.Policia urdhëroi protestuesit të shpërndaheshin, hodhi ujë dhe përdori spërkatës me piper dhe gaz lotsjellës ndërsa të rinjtë e maskuar u përpoqën të futeshin në parlament.
Disa protestues hodhën fishekzjarre drejt policisë ndërsa thërrisnin “Rusë” dhe “Skllevër”Marrëdhëniet e Gjeorgjisë me BE-në janë përkeqësuar ndjeshëm në muajt e fundit pasi Brukseli ka pretenduar se qeveria kishte përdorur masa autoritare dhe kishte miratuar qëndrime pro-ruse.
Mijëra protestues pro-BE kishin bllokuar rrugët në kryeqytet përpara se nisnin përleshjet. Presidenti i vendit akuzoi qeverinë se i ka shpallur “luftë” popullit të vet dhe u përball me policinë, duke pyetur nëse ata i shërbenin Gjeorgjisë apo Rusisë.
Blloku qeverisës i partisë në pushtet “Ëndrra Gjeorgjiane” akuzoi BE-në duke thënë se po përdorte mundësinë e bisedimeve të pranimit për të “shantazhuar” vendin dhe për të “organizuar një revolucion në vend”.Si rezultat, tha qeveria:
“Ne kemi vendosur të mos e vendosim në rendin e ditës çështjen e hapjes së negociatave me BE-në deri në fund të vitit 2028. Gjithashtu, ne hedhim poshtë çdo grant buxhetor nga Bashkimi Evropian deri në fund të vitit 2028”.
Vendi i Kaukazit Jugor me 3.7 milionë banorë ka synimin e anëtarësimit në BE të shkruar në kushtetutë dhe ka qenë prej kohësh ndër shtetet më properëndimore të pasardhësve të Bashkimit Sovjetik. Ëndrra Gjeorgjiane thotë se nuk është pro-ruse dhe se është e përkushtuar ndaj demokracisë dhe integrimit me Perëndimin.
Ajo thotë se ende dëshiron të bashkohet me BE-në, por është përfshirë vazhdimisht në grindje diplomatike me Brukselin në vitet e fundit, ndërkohë që ka thelluar lidhjet me Rusinë fqinje.
Nuk kishte asnjë koment zyrtar të menjëhershëm nga BE mbi deklaratën e Ëndrrës Gjeorgjiane. Por një zyrtar i BE-së tha se ndikimi i masës së qeverisë gjeorgjiane ishte i madh, duke shtuar se qeveria po bënte atë që BE kishte frikë dhe kishte shpresuar se nuk do e bënte.
Opozita pro-perëndimore e vendit reagoi ndaj njoftimit të Ëndrrës Gjeorgjiane me tërbim ndërsa protestuesit u grumbulluan. Mediat lokale raportuan se protestat shpërthyen edhe në qytete të tjera.
