Bashar al-Assad, i cili sundoi Sirinë për gati 25 vjet, është larguar nga vendi pasi ka dhënë urdhra për një dorëzim paqësor të pushtetit, sipas ministrisë së jashtme të Rusisë.
Është e paqartë se ku ndodhet. Ministria tha se Moska nuk ka marrë pjesë në bisedimet rreth largimit të tij.
Megjithatë, ai zbuloi se bazat ushtarake të Rusisë në Siri ishin vënë në gjendje gatishmërie të lartë, megjithëse nuk ka asnjë kërcënim serioz për to aktualisht. Ai tha se Moska ishte në kontakt me të gjitha grupet e opozitës siriane dhe u bëri thirrje të gjitha palëve që të përmbahen nga dhuna, raportoi Reuters.
Rusia, së bashku me Iranin, kishin qenë një aleat kyç i Assadit, duke i dhënë atij ndihmë ushtarake për të qëndruar në pushtet, pavarësisht nga mospopullariteti i gjerë.
Ndërkohë drejtuesit e vendeve perëndimore janë shprehur të kënaqur me
Kancelari gjermane Olaf Scholz ka lëshuar një deklaratë për Sirinë duke thënë se largimi i Assadit është lajm i mirë.
“Bashar al-Assad shtypi brutalisht popullin e tij, ka jetë të panumërta në ndërgjegjen e tij dhe ka shtyrë shumë njerëz të ikin nga Siria, shumë prej të cilëve erdhën në Gjermani. Populli sirian ka vuajtur tmerrësisht. Prandaj, fundi i sundimit të Asadit mbi Sirinë është një lajm i mirë.
Ajo që ka rëndësi tani është që ligji dhe rendi të rivendosen shpejt në Siri. Të gjitha bashkësitë fetare, të gjitha pakicat duhet të gëzojnë mbrojtje tani dhe në të ardhmen. Një zgjidhje politike e konfliktit në Siri në përputhje me Rezolutën 2254 të Këshillit të Sigurimit të OKB-së është ende e mundur.
Ne do t’i gjykojmë sundimtarët e ardhshëm nëse ata bëjnë të mundur që të gjithë sirianët të jetojnë me dinjitet dhe vetëvendosje, të mbrojnë sovranitetin e Sirisë kundër ndërhyrjeve dashakeqe nga palët e treta dhe të jetojnë në paqe me fqinjët e tyre” ”-thuhet në deklaratë.
Edhe presidenti francez Emmanuel Macron përshëndeti lajmin për rënien e presidentit sirian Bashar al-Assad të dielën dhe tha se Franca do të mbetet e përkushtuar ndaj sigurisë së të gjithëve në Lindjen e Mesme.
“Shteti barbar ka rënë. Së fundi, ndërroj popullin sirian për guximin e duriminj. Në këtë moment pasigurie, u uroj atyre paqe, liri dhe unitet. Franca do të mbetet e përkushtuar ndaj sigurisë së të gjithëve në Lindjen e Mesme”, tha Macron në një postim në X.
