Një ngjarje e rëndë ka ndodhur këtë mëngjes në fshatin Cakran të Fierit, ku dy nxënës të shkollës së mesme u përfshinë në një konflikt të dhunshëm me thika.
Incidenti ka ndodhur rreth orës 08:30, kur njëri nga nxënësit, shtetasi B. D., 17 vjeç, ka goditur me thikë në krah bashkëmoshatarin e tij, shtetasin Y. Xh.
Pas ngjarjes, i lënduari është transportuar në spital për ndihmë mjekësore, ndërsa policia ka arrestuar autorin dhe ka sekuestruar mjetin prerës si provë materiale. Grupi hetimor po punon për zbardhjen e plotë të shkaqeve të këtij incidenti të dhunshëm.
NJOFTIMI:
Rreth orës 08:30, në fshatin Cakran, Fier, në ambjentet e shkollës së mesme Cakran, gjatë një konflikti të çastit mes dy nxënësve, njëri prej tyre shtetasi, B. D.,17 vjeç, ka goditur me mjet prerës në krah bashkëmoshatarin shtetasin Y. Xh, të (dy nxënës të kësaj shkolle).
Shtetasi Y. Xh., u transportua në spitalin Rajonal Fier, për ndihmë mjeksore, jashtë rrezikut për jetën.
Ndërkohë shërbimet e Policisë kanë kapur dhe shoqëruar, në Komisariat për veprime të mëtejshme shtetasin B. D, si dhe kanë sekuestruar në cilësinë e provës materiale mjetin prerës (thikë).
Grupi hetimor po punon për sqarimin e plotë të rrethanave të rastit.
