Shtesa të reja në Ushtrinë Terrakota janë zbuluar në Kinë, duke e shtuar edhe më shumë misterin se si artizanët e lashtë e krijuan këtë kompleks mauzoleu mahnitës.
Të paktën tre luftëtarë terrakote, tre kuaj terrakote dhe dy karroca janë nxjerrë nga gropa numër 2 pranë mauzoleumit me famë botërore të Perandorit të Parë Qin në provincën Shaanxi të Kinës Veriore, raporton gazeta shtetërore China Daily.
Ky vit shënon 50 vjetorin e zbulimit aksidental të zonës arkeologjike nga një grup fermerësh. Gjatë pesë dekadave të fundit, arkeologët kanë gërmuar pjesë të mëdha dhe kanë zbuluar mijëra statuja terrakote në përmasat e vërteta të ushtarëve dhe kuajve të luftës.
“Megjithëse nuk kemi një numër të saktë total të luftëtarëve prej terrakote në këtë kohë, ne mund ta vlerësojmë atë në bazë të zonës së gërmimit dhe gjetjeve nga gropa numër një. Rreth 6000 figura terrakote dhe kuaj janë zbuluar nga gropa numër 1 dhe me ata të zbuluar në gropat numër 2 dhe 3, numri i përgjithshëm pritet të afrohet 8,000,” Li Gang, drejtor i Muzeut ku përfshihet Mauzoleumi Qin Shi Huang.
