Një aksident me pasojë vdekje ka ndodhur pak më parë në fshatin Shullaz, në Kurbin. Policia njofton se një 65-vjeçar, i identifikuar si N. J., ka humbur kontrollin mbi drejtimin e automjetit dhe ka dalë nga rruga rreth orës 07:30 të mëngjesit.
Për pasojë, i moshuari ka pësuar dëmtime të rënda dhe ka humbur jetën në spital, ku ka mbërritur pas aksidentit.
Kurbin/Informacion paraprak
Rreth orës 07:30, në fshatin Shullaz, shtetasi N. J., rreth 65 vjeç, duke drejtuar automjetin dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga.
Si pasojë e plagëve të marra, shtetasi N. J., ka humbur jetën në spital.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
