Një 41-vjeçar, i cili ishte në kërkim që prej 2023 për kultivimin e 480 bimëve narkotike, është arrestuar ditën e sotme nga policia.
Policia bënë me dije se, më datë 09.08.2023, në fshatin Goraj, Kastrat nga punonjësit e Policisë është konstatuar një automjet në të cilin po transportoheshin 480 bimë të dyshuara narkotike cannabis, të prera.
Në këtë moment 41-vjeçari me inicialet M. V.(L.), sapo ka parë punonjësit e Policisë, ka braktisur automjetin dhe është larguar me shpejtësi, ndërsa ka rënë në pranga ditën e sotme.
‘Komisariati i Policisë Malësi e Madhe, në vijim të punës për kapjen e shtetasve të shpallur në kërkim, lokalizoi, kapi dhe ndaloi shtetasin e shpallur në kërkim M. V.(L.), 41 vjeç, banues në fshatin Qafë Aliaj, pasi Gjykata e Shkodrës i ka caktuar masën e sigurisë “Arrest në burg”, për veprën penale “Kultivimi i bimëve narkotike”, njoftoi sot policia.
Materialet procedurale i kaluan Prokurorisë, për veprime të mëtejshme.
