Një 17-vjeçar i shpallur në kërkim është arrestuar nga policia e Durrësit.
Adoleshenti me iniciale H.M. akuzohet se ka qëlluar me armë në ajër pas një përplasjeje me një bashkëmoshatar.
Ngjarja ka ndodhur në fshatin Kullë në datë 7 janar ndërsa gjatë arrestimit, 17-vjeçarit i është kapur edhe pistoleta pa leje.
Njoftimi
“17-vjeçari ishte shpallur në kërkim, pasi më datë 07.01.2025, rreth orës 15.30, në fshatin Kullë, Durrës, është konfliktuar për motive të dobëta, me shtetasin H. M., bashkëmoshatar i tij, dhe gjatë konfliktit ka qëlluar me armë zjarri, në ajër. Shërbimet e Policisë kanë gjetur dhe sekuestruar edhe armën e zjarrit pistoletë me të cilën dyshohet se 17-vjeçari ka qëlluar në ajër gjatë konfliktit për motive të dobëta. I mituri akuzohet për veprat penale “Prishja e qetësisë publike” dhe “Mbajtja pa leje dhe prodhimi i armëve, armëve shpërthyese dhe municionit.”
