Rafinerët kinezë dhe indianë do marrin më shumë naftë nga Lindja e Mesme, Afrika dhe Amerika, duke rritur çmimet dhe kostot e mallrave, pasi sanksionet e reja të SHBA-së ndaj prodhuesve dhe anijeve ruse frenojnë furnizimet për klientët kryesorë të Moskës, thanë tregtarët dhe analistët.
Thesari i SHBA-së vendosi sanksione ndaj prodhuesve rusë të naftës Gazprom Neft dhe Surgutneftegas, si dhe 183 anije që kanë transportuar naftë ruse, duke synuar të ardhurat që Moska ka përdorur për të financuar luftën e saj me Ukrainën.
Shumë nga cisternat janë përdorur për të transportuar naftë në Indi dhe Kinë pasi sanksionet perëndimore dhe një kufi çmimi i vendosur nga G7 në vitin 2022 e zhvendosi tregtinë me naftën ruse nga Evropa në Azi. Disa cisterna kanë dërguar gjithashtu naftë nga Irani, i cili gjithashtu është nën sanksione.
Eksportet ruse të naftës do dëmtohen rëndë nga sanksionet e reja, të cilat do i detyrojnë rafinerët e pavarur kinezë të ulin prodhimin e rafinimit në vijimësi, thanë dy burime tregtare kineze. Burimet nuk pranuan të përmenden pasi nuk janë të autorizuar të flasin me media.
Ndër anijet e saposanksionuara, 143 janë cisterna nafte që trajtuan më shumë se 530 milionë fuçi naftë ruse vitin e kaluar, rreth 42% e totalit të eksporteve të naftës së papërpunuar të vendit, tha në një shënim analisti i Kpler, Matt Wright.
Nga këto, rreth 300 milionë fuçi u dërguan në Kinë, ndërsa pjesa më e madhe e mbetur shkoi në Indi, shtoi ai.
“Këto sanksione do zvogëlojnë ndjeshëm flotën e anijeve të disponueshme për të ofruar naftë të papërpunuar nga Rusia në afat të shkurtër, duke i rritur tarifat e mallrave,” tha Ëright.
Energjia e erës siguroi 20% të energjisë elektrike të konsumuar në Evropë vitin e kaluar, por kapaciteti i ndërtuar gjatë vitit ishte më pak se gjysma e asaj që nevojitet për të përmbushur kërkesat evropiane.
Një kompani me bazë në Singapor tha se cisternat e përcaktuara dërguan afër 900,000 fuçi naftë ruse në Kinë gjatë 12 muajve të fundit.
Për 11 muajt e parë të vitit të kaluar, importet e papërpunuara ruse të Indisë u rritën 4.5% në vit në 1.764 milion fuçi, ose 36% të importeve totale të Indisë. Vëllimi i Kinës, duke përfshirë furnizimin me gazsjellës, u rrit me 2% në 99.09 milionë meër kub (2.159 milionë fuçi në ditë), ose 20% të totalit të importeve të saj, gjatë së njëjtës periudhë.
Importet e Kinës janë kryesisht naftë ruse ESPO Blend, e shitur mbi kufirin e çmimit, ndërsa India blen kryesisht naftë Urals.
