Një 81-vjeçar u gjet pa shenja jete ditën e hënë në oborrin e banesës së tij, ndërsa dyshimet ishin se ndarja e tij nga jeta nuk ishte ndodhur për shkaqe natyrale, referuar disa shenjave që i moshuari kishte në trup.
Fillimisht, dyshimet për vdekjen e tij u shfaqën pas gjetjes së disa shenjave në trupin e të moshuarit, të cilat linin të kuptohej se vdekja nuk kishte ndodhur për shkaqe natyrale.
Në vijim të hetimeve të kryera nga policia dhe pas ekzaminimit mjeko-ligjor, ka rezultuar se Xh.M ka pësuar dëmtime në pjesën e pasme të kokës, të dyshuara të shkaktuara nga goditje me sende të forta.
Njoftimi:
Tiranë
Në vijim të informacionit të dhënë me datë 13.01.2025, i cili bën fjalën për gjetjen pa shenja jete të shtetasit Xh.M, në oborrin e banesës së tij, në Zall-Bastar, ju bëjmë me dije se:
Nga tërësia e veprimeve hetimore paraprake si dhe ekzaminimit mjeko-ligjor ka rezultuar se shtetasi Xh.M, ka dëmtime në pjesën e pasme të kokës, të dyshuara të shkaktuara nga goditje me sende të forta.
Paraprakisht, në lidhje me këtë ngjarje nga ana e DVP Tiranë, janë referuar materialet në Prokurori, për veprën penale “Vrasje me dashje” parashikuar nga neni 76 i kodit penal.
Vijon puna nën drejtimin e Prokurorisë, për dokumentimin e plotë ligjor dhe për përcaktimin rrethanave konkrete të ngjarjes dhe shkaqeve të humbjes se jetës së shtetasit Xh.M.
