Pam Bondi, e nominuara nga presidenti i zgjedhur Donald Trump për Prokurore të Përgjithshme, ka deklaruar se do të eliminojë “armatosjen” e sistemit të drejtësisë në SHBA.
Deklaratat e saj vijnë ndërsa ajo dhe disa nga të nominuarit kryesorë të kabinetit të Trump po përballen me pyetje nga komitetet e Senatit përpara votimeve për konfirmim, sipas BBC.
Marco Rubio, i nominuar për sekretar të shtetit, dhe një senator nga Florida i njohur për qëndrimet e tij të ashpra në politikën e jashtme, gjithashtu po përballet me procesin e miratimit, me pritshmëri të larta për një konfirmim të sigurt.
Bondi u propozua për postin e Prokurores së Përgjithshme pas tërheqjes së kandidatit të parë, Matt Gaetz, i cili hoqi dorë pas akuzave për sjellje të pahijshme.
Seancat e konfirmimit janë vënë në qendër të vëmendjes, me pritshmëri të larta për debat rreth politikave dhe vendimeve që do të ndikojnë në drejtimin e ardhshëm të qeverisë së Trump.
