Policia e Tiranës ka vënë në pranga një 21-vjeçar, i cili merrej me shpërndarjen e lëndëve narkotike. Arrestimi i tij u bë nga Forca e Posaçme “Shqiponja” dhe Seksioni për Hetimin e Narkotikëve, falë inteligjencës policore.
Shtetasi E.N., banues në Tiranë, u kap duke lëvizur si pasagjer në një mjet taksi, në rrugën “Pavarësia”. Për të shmangur kontrollet, ai përdorte mjetet e transportit publik, por u ndoq nga forcat e policisë dhe u arrestua në flagrancë.
Gjatë kontrollit fizik dhe në banesën e tij, u sekuestruan doza me lëndë narkotike kanabis, si dhe një aparat celular.
Njoftimi i policisë:
Forca e Posaçme “Shqiponja” në bashkëpunim me Seksionin për Hetimin e Narkotikëve, fale inteligjencës policore bënë kapjen dhe arrestimin në flagrancë të shtetasit E.N, 21 vjeç, banues në Tiranë.
Ky shtetas, për të shmangur kontrollet nga Policia, lëvizte me taksi. Gjatë ndërhyrjes nga shërbimet e Policisë, 21-vjeçari u kap duke qarkulluar si pasagjer në një mjet taksi, në rrugën “Pavarësia”.
Gjatë kontrollit fizik dhe banesës së 21-vjeçarit, shërbimet e Policë, gjetën dhe sekuestruan në cilësinë e provës materiale, doza me lëndë narkotike kanabis dhe një aparat celular.
Materialet do t’i kalojnë Prokurorisë, për veprime të mëtejshme procedurale.
