AKU bllokon 43 litra qumësht në Sarandë, tregtohej në rrugë

Këtë mëngjes, Autoriteti Kombëtar i Ushqimit në qytetin e Sarandës ka bllokuar plot 43 litra qumësht, që dyshohet se shitej në kushte të papërshtatshme higjieno-sanitare.

Aksioni u krye në bashkëpunim me Policinë e Sarandës, dhe do të vijojë edhe në ditët në vazhdim për të penguar tregtimin e qumështit në rrugë.

Ditën e djeshme, AKU ka bllokuar edhe një sasi të konsiderueshme mishi në Pogradec, i cili gjithashtu tregtohej në kushte të papaërshtatshme higjienike.