Templates by BIGtheme NET

Smajlaj zhgënjen në kampionatin e Berlinit, nuk shkon më shumë se vendi i 6-të

Shqiptari Izmir Smajlaj nuk ka shkuar më tepër se vendi i gjatë duke mos siguar asnjë medalje në kampionatin europian të zhvilluar në Berlin në garën e kërcimit së larti duke zhgënjyer parashikuesit të cilët e cilësuan paraprakisht si më të kuotuarin.

Sportisti kuqezi, që kaloi në finale në limitin e distancës, nuk bëri më shumë në Europian, duke mbyllur gjithçka në vendin e 6, zhgënjim për vet protagonistin dhe tifozët që shpresonin medalje.

Atleti shkodran dështoi në provën e parë në impiantin gjerman, por u përmirësua ndjeshëm me 7.83 metrat në kërcimin e dytë, rezultat më i mirë sesa paraqitja që e kishte kualifikuar në finale. Provat pasuese ishin edhe më dobët për Smajlajn, në një garë ku pati rivalitet të fortë.

Tentativa e pestë ishte ajo që e çoi kërcimin në 7.99 metra, më e mira për shqiptarin për këtë sezon, por që e la jashtë podiumit.

Greku Tentoglou dominoi pistën, me kërcimin gjigant prej 8 metra e 25 centimetrash, ndërsa në podium u ngjitën gjithashtu gjermani Heinle dhe ukrainasi Nykyforov.

Pritshmëritë më të mëdha për Shqipërinë ishin dhe mbeten gjithsesi te Luiza Gega. Sportistja elitare do të garojë më 10 gusht në baterinë e saj kualifikuese, një provë relativisht e lehtë për ambiciet e Gegës dhe përgatitjen e saj që pritet ta çojë në finale.

Luiza Gega, që vjen në këtë Europian si kampione e sapokurorëzuar e Mesdheut, do të garojë në 3.000 metra me pengesa, finalet e të cilit zhvillohen më 12 gusht.

MUND TË KOMENTOSH

Komento i pari

avatar
  Subscribe  
Më njofto