Në krisjen më të madhe në historinë moderne ortodoks, Kisha Ortodokse Ruse ka prerë të gjitha lidhjet me Patriarkanën e Kostandinopojës, pasi kjo e fundit pranoi Kishën Ortodokse të Ukrainës si të pavarur.
Sinodi i Shenjtë, organi qeverisës i Kishës Ortodokse Ruse, ka vendosur që çdo marrëdhënie tjetër klerike me Kostandinopojë do ndërpritet.
Metropoliti Hilarion, kreu i Departamentit të Marrëdhënieve të Jashtme të Kishës Ortodokse Ruse, u tha gazetarëve, duke deklaruar “de facto” shkeljen e marrëdhënieve mes dy kishave.
“Vendimi për ndërprerjen e plotë të marrëdhënieve me Patriarkanën e Kostandinopojës është marrë në një mbledhje të Sinodit”, që momentalisht është mbajtur në kryeqytetin bjellorus të Minskut, tha Hilarion, siç u përmend nga “TASS”.
Ky veprim vjen disa ditë pasi Sinodi i Patriarkanës së Kostandinopojës vendosi që përfundimisht t’i japë pavarësinë Kishës Ortodokse të Ukrainës, duke bërë kështu që organizata klerike, e cila më parë kishte një autonomi të gjerë brenda Patriarkatit të Moskës, të jetë plotësisht e pavarur.
