“Do të ketë një marrëveshje të dytë Rama-Basha pas asaj së 17 Majit 2017?” Kjo është pyetje për të cilën është përgjigjur sëfundmi ish-kryeministri Sali Berisha. Berisha ka theksuar se s’ka kurrë shans që të ndajë pushtetin Partia Demokratike me Edi Ramën.
“Rekordet e mashtrimeve dhe trillimeve të ‘kallam dështakut’ siç po e quajnë rëndom tani mediat dhe qytetarët janë të pafundme. S’ka kurrë shans që të ndajë pushtetin Partia Demokratike me Edi Ramën. Partia Demokratike është e vendosur që të vijë me votën e lirë të qytetarëve në pushtet dhe është kjo është themeli i kësaj partie. Por, nga ana tjetër, votë të lirë, kam deklaruar dhe deklaroj në mënyrë të përsëritur, s’ka pa përmbysjen paraprake të Edi Ramës”, u shpreh ish-kryeministri në një intervistë për “Tv Klan”.
