Presidenti i ri i Brazilit, Balsonaro, është një figurë i së djathtës ekstreme dhe ish-ushtarak, i njohur për qëndrimet e tij polemizuese ndaj grave, minoriteteve dhe indianëve të Brazilit.
Jair Bolsonaro është një figurë e thellë polarizuese, që i ka mbijetuar një atentati para zgjedhjeve dhe arriti të bëhej lideri i ekonomisë më të madhe amerikano-jugore në më pak se dy vite.
Në fjalimet e tij, Balsonaro ka lavdëruar ish-diktatorin e Kilit, Pinochet, ndërsa ka shprehur mbështetjen për torturat dhe ka bërë thirrje për ekzekutimin e kundërshtarëve të tij politikë.
Por ai arriti të ndërtojë një fushatë të suksesshme duke shfrytëzuar frikën ndajrritjes së krimit dhe dhunës në vend si dhe zemëratën e publikut ndaj skandaleve të përsëritura të korrupsionit duke bërë një operacion efikase në mediat sociale.
Bio
Lindur në Glicero në Sao Paulo në vitin 1955, nga prindër me origjinë italiane, ai shërbeu në ushtri nga viti 1971 deri në vitin 1988, kur u zgjodh si këshilltar i qytetit në Rio de Janeiro për partinë Kristian-Demokrate. Në vitin 1990, ai u bë një kongresist federal për të njëjtën parti. Që atëherë ai qenë i lidhur me disa parti politike, ndërsa më 22 korrik, ai u emërua zyrtarisht si kandidati presidencial i Partisë Social Liberale.
Politikat
Bolsonaro përkrah pikëpamjet populiste dhe nacionaliste të ekstremit të djathtë. Një kundërshtar i ashpër i martesës brenda të njëjtit seks, abortit, emigrimit ai ka mbrojtur dënimin me vdekje dhe diktaturën ushtarake në vitet 1964-1985. Për politikën e jashtme, ai ka thënë se dëshiron të përmirësojë marrëdhëniet me SHBA-në ndërsa ekonomikisht Balsonaro është shprehur pro tregut të lirë dhe privatizimit.
Stili politik
Balsonaro është emërtuar si politikan provokativ dhe polarizuese. Ai ka lavdëruar gjeneralin Pinochet, ka shprehur mbështetjen për torturuesit dhe ka bërë thirrje që kundërshtarët politikë të vriten. Në përpjekjen e tij për të kthyer Amerikën Latine nga e djathta , ai e deklaron veten si Donald Trump-i i tropikut: një mbështetës i mbajtjes së armëve, kundërshtar i anti-establishmentit si dhe ndëshkues i krimit të dhunshëm.
Kontradiktat
Në krye të thirrjeve të përsëritura për një kthim në diktaturë, ai ka bërë sulme të ngjashme kundër grave, njerëzve me ngjyrë, homoseksualëve, të huajve dhe komuniteteve indigjene. Më herët këtë vit, ai u akuzua nga Prokurori i Përgjithshëm për nxitjen e gjuhës së urrejtjes. Bolsonaro flet me nostalgji rreth diktaturës ushtarake të vendit në vitet 1964-1985 dhe ka premtuar se do e mbushë qeverinë e tij me liderët dhe ish-liderë ushtarakë.
“Më vullnetin e Zotit, që nga viti i ardhshëm, së bashku do ta ndryshojmë fatin e Brazilit”, tha ai në një deklaratë të fundit.
Këtu janë disa nga deklaratat më polemizuese të bëra nga Jair Bolsonaro:
Për refugjatët:
“Llumi i botës po shfaqet në Brazil, sikur të mos kemi probleme të mjaftueshme për të zgjidhur.” (Shtator 2015)
Për homoseksualët:
“Unë do të mundja ta doja një djalë homoseksual. Nuk do të jem hipokrit: preferoj që djali im të vdesë në një aksident, sesa të shfaqet i shoqëruar me një burrë me mustaqe “. (Qershor 2011)
“Unë nuk do të luftoj apo diskriminoj, por nëse shoh dy burra që puthin njëri-tjetrin në rrugë, unë do t’i godas.” (Tetor 2002)
“Ne brazilianëve nuk na pëlqejnë homoseksualët”. (2013)
“A janë homot gjysmëperëndi? … Vetëm për shkak se dikush kryen marrëdhënie seksuale me organin e tij të jashtëm, nuk e bën atë më mirë se kushdo tjetër “. (Shkurt 2014)
Për demokracinë dhe diktaturën:
“Ju kurrë nuk do të ndryshoni asgjë në këtë vend përmes votimit. Asgjë. Absulutisht asgjë. Për fat të keq, gjërat do të ndryshojnë vetëm kur të fillojë një luftë civile dhe ne të bëjmë punën që regjimi (ushtarak) nuk e bëri. Vrasja e rreth 30,000 personave…Vrasja e tyre! Nëse disa të pafajshmit vdesin, kjo është në rregull. “(Maj 1999)
“Unë jam në favor të një diktature … Ne kurrë nuk do të zgjidhim problemet serioze kombëtare me këtë demokraci të papërgjegjshme”. (1992)
Për të drejtat e njeriut:
“Unë jam në favor të torturës.” (Maj 1999)
“Burgjet e Brazilit janë vende të mrekullueshme … ato janë vende ku njerëzit që të paguajnë për mëkatet e tyre, nuk jetojnë jetën në vende pushimi. Ata që përdhunojnë, rrëmbejnë dhe vrasin po shkojnë atje për të vuajtur, nuk po marrin pjesë në një kamp pushimi “. (Shkurt 2014)
“A jemi të detyruar t’u japim këtyre bastardëve (kriminelëve) një jetë të mirë? Ata e kalojnë gjithë jetën duke na ndyrë dhe ata prej nesh që punojnë duhet t’u japin një jetë të mirë në burg. Ata duhet të zhduken, të ndalen plotësisht. Kjo është ajo që duhet! “(Shkurt 2014)
Për gratë:
“Kam pesë fëmijë. Katër prej tyre janë burra, por në pestë kisha një moment dobësie dhe doli një femër. “(Prill 2017)
“Unë thashë se nuk do t’ju përdhunoja, sepse nuk e meritoni.” (Dhjetor 2014, ndaj politikanes Maria do Rosário).
Për garën presidenciale:
“Unë nuk rrezikoj (që të shoh fëmijët e mi të shoqërohen me zezake apo që të jenë homoseksualë). Fëmijët e mi janë edukuar shumë mirë. “(Mars 2011)
“Unë shkova për të vizituar një “quilombo” (një vendbanim i themeluar nga pasardhësit e skllevërve të arratisur). Afrodiziaku më i lehtë në peshë atje ishte më shumë se se 100 kg). Ata nuk bëjnë asgjë. Unë madje mendoj se ata nuk janë në gjendje as të riprodhohen më.” (Prill 2017). /Hashtag.al
VINI RE: Ky material është pronësi intelektuale e “The Guardian”
