Personi që shihni në foto është Altin Avdylaj, i njohur ndryshe me emrin ‘Niçja’, një nga personat e arrestuar në sajë të operacionit ‘Vol Vo-4’.
Avdylaj akuzohet si pjesë e grupit Avdylaj për “Prodhim dhe shitje të narkotikëve”, “Trafikim i narkotikëve”, në bashkëpunim në formën e posaçme të grupit të strukturuar kriminal dhe organizatë kriminale, si dhe pastrim i produkteve të veprës penale.
“Niçja” është një nga personat që thuhet se ka folur me kryebashkiakun e Durrësit Vangjush Dako, përgjime që u publikuan javën e kaluar dhe sot nga emisioni “Të Paekspozuarit” në ‘News24’.
