Sharkohet drejtoresha e Përgjithshme e Tatimeve në Vlorë, Pranvera Resulaj, e cila është zëvendësuar nga Evis Ago.
Resulaj është promovuar nga kryeministri Rama kohë më parë duke e cilësuar atë si drejtoreshë të suksesshme.
Resulaj është akuzuar edhe më herët në vitin 2017 për pjesmarrje në fushata elektorale në kundërshtim me ligjin, ndërsa ishte në pozicionin e drejtoreshës së Tatimeve në Vlorë.
Janë shkarkuar nga detyra 15 zyrtarë të Inspektoriatit të Mjedisit në Tiranë. Mes tyre janë kryeinspektori, 8 inspektorë pyjorë dhe inspektorë mjedisorë. Ata akuzohen për korrupsion dhe abuzime me detyrën.
Njoftimi është dhënë nga ministrja e Drejtësisë Gjonaj në një konferencë për shtyp. Sipas Gjonajt janë marrë 36 masa disiplinore edhe ndaj punonjësve të maternitetit “Koço Gliozheni” në Tiranë dhe Inspektoriatit Shtetëror Shëndetësor – Dega Rajonale Tiranë.
Ndërkohë në Spitalin Universitar Obstetrik Gjinekologjik “Koço Gliozheni” në Tiranë janë rekomanduar 8 masa disiplinore për staf drejues dhe administrativ të këtij institucioni.
