Partizani arriti të fitonte sfidën e javës së 11-të, me rezultatin 1-0, në shtëpi ndaj Kamzës.
Këtë sfidë “Demat” e zhvilluan në një stadium pa tifozë, prej dënimit nga Komisioni i Disiplinës me 2 ndeshje.
Golin e vetëm për Partizanin e shënoi Telushi në pjesën e dytë të takimit.
Edhe Skëndërbeu arriti të merrte një fitore minimale 1-0 ndaj Kastriotit e cila e mban atë në vendin e parë.
Ishte Muzaka ai i cili i dha fitoren “Ujqërve” duke marrë tre pikë të vlefshme për garën për kreun e tabelës.
