3 persona kanë mbetur të plagosur nga një aksident që ka ndodhur në aksin Fushë Krujë-Milot.
Mësohet se 3 personat e plagosur janë dërguar me shpejtësi në Spitalin e Traumës në Tiranë për mjekim më të specializuar.
Të plagosurit janë nga Fieri ndërsa nuk dihet ende shkaku i aksidentit.
Në aksident janë përfshirë një mjet tip “Fiat” me targa italiane dhe një mjet tip “VW”, të cilët janë përplasur kokë më kokë.
Të plagosurit janë Arbër Gjini 33-vjeç, Trifon Gjini 63-veç dhe Lena Gjini 55-vjeçe, të tre nga e njëjta familje. Policia Rrugore në vendngjarje po heton për zbardhjen e shkaqeve të aksidentit.
