Templates by BIGtheme NET

UEFA gjobë 100 mijë euro FSHF-së, “mbylli një sy” për Tiranën

Federata Shqiptare e Futbollit duhet t`i paguajë UEFA-s një gjobë të majme prej 100.000 euro, për shkak të një gafe.

Dy sezone më parë, FSHF liçensoi Tiranën për të marrë pjesë në Kupat e Europës, duke fshehur borxhet që skuadra bardheblu kishte. Mirëpo sipas rregullave të UEFA-s, asnjë klubi nuk i lejohet të marrë pjesë në garat që organizohen nga UEFA, nëse këto klube kanë detyrime të pashlyera.

Pas një hetimi të UEFA-s, rezultoi se Tirana kishte borxhe gjatë kohës që kishte marrë liçensën nga FSHF-ja për të luajtur në Ligën Europa, si fituese e Kupës së Shqipërisë dy sezone më parë.

Për këtë arsye, me një vendim të mëhershëm, UEFA nuk derdhi në arkat e Tiranës shumën financiare që klubi përfitonte nga pjesëmarrja në Ligën e Europës.

MUND TË KOMENTOSH

Komento i pari

avatar
  Subscribe  
Më njofto