KPK ka shkarkuar nga detyra prokurorin Ramadan Troci.
Sipas KPK-së, Troci kishte probleme në justifikimin e pasurisë lidhur me një objekt 32 metra katrorë në Paskuqan dhe një banesë në Pazarin e Ri, ku prokurori i Prokurorisë së Përgjithshme, jetonte me qira pasi ia kishte lënë një mik.
Ndërsa KPK deklaroi se kishte gjetur shkelje lidhur me hetimine aksidenteve në minierën e Bulqizës.
Prokurori Troci i hodhi poshtë pretendimet e KPK-së duke thënë se lidhur me hetimet në minierën e Bulqizës ka pasu hetime nga Prokuroria e Përgjithshme dhe të gjitha kishin rezultuar të rregullta.
Lidhur me objektin prej 32 metrash katrorë, Troci tha se ajo i përket të atit. Ai u shpreh se kishte pasur sulme të paprecedenta dhe kërcënime nga persona të rëndësishëm pas hetimeve dhe bllokimit të pronave në Vlorë në shumën e 850 milionë eurove.
Pas seancës, avokati i Trocit, Ardian Leka, deklaroi se vendimi i KPK-së do apelohej, pasi ishte i padrejtë.
Troci është prokuror në Prokurorinë e Përgjithshme dhe kandidat për Këshillin e Lartë të Prokurorisë. Ai ka hetuar dhe arrestuar ish-guvernatorin Ardian Fullani dhe ish-kryebashkiakun e Vlorës, Shpëtim Gjika.
