Kryetari i grupit parlamentar të Lëvizjes Socialiste për Integrim, Petrit Vasili, ka reaguar lidhur me çështjen e borxhit publik, duke ia faturuar thellimin e tij koncensioneve.
Vasili thotë që FMN, Banka Botërore dhe Ambasada Amerikane kanë lëshuar disa herë alarme mbi rrezikun e koncensioneve dhe borxhin e fshehur që do të sillnin.
“Borxhi publik si piramide dhe krim shteteror.
Shqiperia eshte mberthyer qartazi ne daren e nje qeverisje, qe krijon cdo cast ekonomi te asfiksuar dhe pa asnje vizion,grabitje te financave publike dhe thellimin e nje borxhi publik derrmues per nje vend me amortizatore ekonomike dhe sociale kaq te dobet si Shqiperia.
Ky falimentim i politikave ekonomike eshte edhe shkaku themelor i braktisjes tragjike te vendit nga shqiptaret dhe rikthimi ne keto dimensione i ketij fenomeni braktisjeje te vendit,te ngjashem me ate te fund viteve 90′, qe eshte vertet i frikshem per te sotmen dhe te ardhmen.
Institucionet me autoritare te globit si FMN shto ketu edhe Banken Boterore apo deri edhe Ambasaden e SHBA ne Tirane kane leshuar alarme te thekshme dhe te njepasnjeshme per koncesionet dhe borxhin e fshehur qe vjen prej tyre dhe per efektin shkaterrimtar qe do te kete nje borxh i tille.
Ky borxh i fshehur eshte nje krim i vertete shteteror ndaj te cilit mbyllja e syve nga prokuroria eshte edhe me kriminale.
Analistet mediatike shqiptare gojemberthyer dhe penethyer nga kockat e koncesioneve,lejeve te ndertimit e gjithefare menuje,qe rilindja u blaton ne pjate, nuk analizojne “dot” kete krim dhe tragjedi qe gatuhet para syve te te gjitheve.”, shkruan Vasili.
Duke e krahasuar borxhin publik me një piramidë financiare, Vasili thotë se rënia është e paracaktuar dhe do të bjerë mbi të gjithë, përveçse mbi qeverinë që sipas tij do jetë në mërgim.
Duke iu referuar FMN-së mbi ndikimet e PPP-ve në borxhin publik, Vasili shton se katastrofa është afër.
“Borxhi publik, si piramide financiare, natyrshem fatin dhe renien e ka te paracaktuar, por do te bjere mbi ne te gjithe nderkohe, qe qeveria qe e ngriti kete piramide do te jete ne mergim dhe analisteve do tu mbetet pena e thyer ne dore dhe shija e larget e nje kocke te lepire e ripertypur dikur.
Faktet objektive jane aty.
Ja cfare thote FMN:
“Në dallim nga praktika e tanishme, ndikimi që kanë PPP-të në llogaritë fiskale dhe borxhin publik duhet të reflektohet me transparencë dhe në përputhje me normat ndërkombëtare të kontabilitetit publik”.
FMN vlerësonte se borxhi ose detyrimi i mundshëm që vjen nga investimet e financuara nga PPP-të mund të arrijë deri në 7% të Prodhimit të Brendshëm Bruto (PBB). “
Nëse këtë ia shtojmë borxhit aktual prej rreth 72% të PBB-së, atëhere niveli real i tij mund të ngjitej në gati 80% të PBB-së.
Po pikerisht kjo qeveri e Rilindjes,qe fsheh sot borxhin kur merrte pushtetin ne 2013, deklaronte me ze te larte borxhet e fshehura te qeverise se meparshme dhe ja çfare deklaronte kur merrte 375 milion euro kredi nga FMN:
“Në pamundësi për t’iu përgjigjur shpenzimeve të larta, në kushtet e mungesës së lartë të përgjegjësisë nga ana e qeverisë, u akumuluan qindra fatura të papaguara. Rreth 6% e GDP ishte borxh i fshehur dhe bashkë me të, borxhi publik në total shkoi në rreth 70%. Pjesa më e madhe e pagesave të prapambetura ishin investime publike, por dhe shpenzime në arsim, shëndetësi, vonesa të gjata në kompensime të TVSH dhe në pagesat e taksës mbi fitimet.”
Morali eshte i qarte: katastrofen e kemi tek dera dhe hajdutet qeveritare te papergjegjshem te gatshem qe ta cojne deri ne fund i kemi perpara syve.”, shkruan Vasili.
