Kryeministri hungarez, Orban, ka deklaruar se organizatat që kanë lidhje me miliarderin hungarezo-amerikan, Soros, janë vënë në përndjekjen e ish-kryeministrit të Maqeonisë, Gruevski, i cili ndodhet në Hungari ku ka kërkuar azil politik.
Ai e vlerësoi ish-homologun e tij për punën e bërë në parandalimin e kalimit të emigrantëve drejt Hungarisë.
“Organizatat e afërta me filantropin George Soros janë lëshuar në përndjekjen e Gruevskit. Pa ish-kryeministrin e Maqedonisë, Nikola Gruevski, do të ishte më e vështirë të mbrohej kufiri i Hungarisë”, tha Orban, raporton “Portalb.mk.”
Orban tha se Hungaria i trajton bashkëpunëtorët në mënyrë të drejtë, ndërsa theksoi se Gruevski është bashkëpunëtor i tij, por edhe i popullit hungarez.
“Nuk mundemi që t’i përjashtojmë procedurat juridike, por mundemi të mundësojmë trajtim të drejtë”, tha kryeministri hungarez.
Shpresat për ekstradimin e Gruevskit në Maqedoni janë tejet të pakta, gjë që u pohua nga ministri i Drejtësisë së Hungarisë, Llazo Troshani, i cili tha: “Me miratimin e azilti, Hungaria e pranon se Gruevski është viktimë e persekutimit dhe nuk mund të ekstradohet”.
