Gjuajtën Ramën me këpucë dhe protestuan, dy banorët që ngelën në qeli

Gjykata e Krimeve të Rënda ka dhënë masën e sigurisë për 11 të arrestuarit e protestës para Kuvendit. Mësohet se gjykata ka dhënë detyrim paraqitje për 10 prej të arrestuarve. Mes 11 të arrestuarve gjykata ka dënuar me burg vetëm Dorjan Protoduarin. Po kështu, më herët në mëngjes gjykata dha 30 ditë burg për Dorjan Protoduarin, një nga protestuesit.

Dorjan Produari

Dorjan Protoduari është një nga protestuesit te protestës te “Unaza e Re”. Ai është cilësuar si një nga organizatorët e protestës dhe mbi të rëndon akuza“Organizimi dhe pjesmarrja në grumbullime dhe në manifestime të paligjshme”.

Ilias Sketiraj

Gjykata e Tiranës ka lënë në burg për 30 ditë autorin që gjuajti me këpucë kryeministrin Edi Rama. Gruaja e Ilias Sketiraj ka deklaruar pas këtij vendimi se janë banorë prej 20 vitesh të Unazës së Re dhe se nga kjo qeveri është dhunuar burrin dhe fëmijët në vitin 2014.

“Në 2014 jemi përpalsur me policinë, me INUK-un, burrit tim i kanë thyer krahun policisë. Në 2014 janë dhunuar edhe fëmijet e mi, na zhduken kartelat në spital. Kemi ikur edhe në Gjermani edhe Rama tha sillini se jemi vend social. Ta harrojë se mund të na mposhtni. Më keq e provokon popullin në këtë mënyrë. Ai nuk kishte as armë, asgjë, këpucë ishte, pse e dënuan me 1 muaj burg? Unë edhe jetën kam për ta dhënë se me keq nuk ka. Të mos luajë me zjarrin se do të digjet.

Edhe në 2014 policia na ka dhunuar ne dhe fëmijet. Fëmijët tani kanë kërkuar azil në Gjermani, na kanë ikur”, u shpreh gruaja e të arrestuarrit.

Masa për 10 protestuesit e tjerë:

Erald Muçaj, detyrim paraqitje

Ali Naliç, detyrim paraqitje

Alban Ahmetcenaj, detyrim paraqitje

Paolo Ahmetcenaj, detyrim paraqitje

Lulzim Dozhlani, detyrim paraqitje

Fluturim Koleci, detyrim paraqitje

Ruzhdi Daci, detyrim paraqitje

Marsel Velillari, detyrim paraqitje

Amarildo Sinanaj, detyrim paraqitje

Shpati Bilbilaj, detyrim paraqitje / Hashtag.al