Punonjësi i një kioske në Tiranë është kërcënuar duke i vënë plumbin te dera.
Ngjarja ka ndodhur mëngjesin e sotëm, rreth orës 08:00, pranë qendrës rinore ‘Ten’.
Në një video që ka dërguar në redaksinë e “Hashtag.al”, personi thotë se është larguar për punë 5 minutash, për të marrë një kafe dhe një ujë. Kur është kthyer ai ka gjetur plumbin te dera e kioskës.
“Jemi këtu te puna, vajta 5 minuta mora një kafe siç e shihni, vij këtu dhe gjej një plumb para derës. Jam në hallin tim, punën time, nuk i kam borxh kujt, as telashe, asgjë. Por kam vetëm një telash me shtetin, me “Rilindjen”, se më sulmojnë se jam koordinatori i LSI-së në Paskuqan”, thotë punonjësi i kioskës.
Në vendngjarje kanë mbërritur edhe forcate policisë, të cilët kanë nisur hetimet.
“Vazhdoni ju shteti, bëni detyrën. Bëni ekspertizën.”, u drejtohet punonjësi.
