Tre vjet pasi ishte arratisur, një 29-vjeçar ka rënë sërish në prangat e policisë.
Bëhet fjalë për Bledar Zefin, i dënuar në Itali me 10 vjet burg, për veprën penale “Vjedhja me armë e organizuar në grup kriminal”
Zefi u arrestua nga forcat e komisariatit numër 3 në kryeqytet, me qëllim ekstradimi drejt Italisë.
“Shërbimet e Policisë të Komisariatit Nr.3 në bashkëpunim me Interpol Tirana, arrestuan përkohësisht me qëllim ekstradimi drejt Italisë shtetasin shqiptar të shpallur në kërkim ndërkombëtar:
– Bledar Zefi, 29 vjeç, banues ne Tiranë.
Gjykata e Genovës/Itali e ka dënuar këtë shtetas me 10 vjet burg, për veprën penale “Vjedhja me armë e organizuar në grup kriminal” parashikuar nga nenet 61, 110, 624 dhe 625 të Kodit Penal Italian. Veprimet e mëtejshme për këtë shtetas do të kryhen nga Zyra e Interpolit Tiranë”, thuhet në njoftimin e policisë.
