Pasditen e sotme Ambasada e Shteteve të Bashkuara të Amerikës, i ka bërë thirrje gjyqtarëve dhe prokurorëve të ndershëm t’i shërbejnë vendit të tyre. Ambasada amerikane është shprehur se pret zgjedhjen e anëtarëve të KLGJ-së e KLP-së
“Javën e ardhshme presim me kënaqësi përzgjedhjen e anëtarëve, të gjithë të cilët kanë kaluar tashmë vetingun,” shkruan Ambasada në Facebook.
Postimi i plotë
Këtë vit, Ambasada e SHBA iu ka bërë thirrje gjyqtarëve dhe prokurorëve të ndershëm, patriotë dhe me integritet për t’i shërbyer vendit të tyre në Këshillin e Lartë Gjyqësor dhe Këshillin e Lartë të Prokurorisë.
Me formimin e këtyre dy institucioneve të drejtësisë në horizont, Shqipëria është në prag të krijimit të një sistemi drejtësie që i shërben vërtet interesave të qytetarëve të saj.
Javën e ardhshme presim me kënaqësi përzgjedhjen e anëtarëve, të gjithë të cilët kanë kaluar tashmë vetingun, duke shënuar kështu hapin tjetër madhor drejt drejtësisë së vërtetë.
