Pas zgjidhjes së kontratës me bashkimin e kompanive “DH Albania” & “Biba X”, Autoriteti Rrugor Shqiptar ka nisur procedurat për Lotin 1 të Unazës së Madhe të Tiranës.
Në njoftimin e dhënë nga ARRSH-ja thuhet se kompanitë e interesuara për të marrë pjesë në garë duhet të dorëzojnë dokumentet deri në datën 14 janar.
Ndërkohë që ka paditur në prokurori bashkimin e kompanive të lartpërmdendura. Dy ditë më parë, ministri i Infrastrukturës, Damian Gjiknuri doli në një konferencë për mediat ku tha se ngjarje të tilla ndodhin gjithandej por dërgimi i çështjes në prokurori tregonte për qëndrimin e mazhorancës.
Po ditën e djeshme, ARRSH-ja dhe OST-ja kallëzuan në prokurori bashkimin e kompanive “DH Albania” & Biba X”, ndërsa kanë nisur procedurat për sekuestrimin e garancisë financiare.
Për rastin në fjalë kanë nisur hetimet edhe në SHBA, ku janë falsifikuar dokumentet, gjë që u publikua ditë më parë në emision “Të Paekspozuarit”.
