Reshjet e dëborës kanë bllokuar një pjesë të mirë të rrugëve të qarkut të Kukësit duke izoluar zona të tëra.
Rrugët kombëtare janë të kalueshme pa zinxhirë ndërsa në disa zona rekomandohet vënia e zinxhirëve duke qebë se ngrica është e pranishme për shkak të temperaturave të ulëta.
Të bllokuara kanë mbetur fshatrat Bushtricë, Kalis, Arrën e Grykë-Çaj si dhe në 6 fshatra në zonën e Lekbibajt, Tropojë.
Në disa shkolla nuk është zhvilluar mësimi për shkak të temperaturave të ulëta ndërsa furnizimi me energji elektrike ka qenë normal.
Situata në zonën e Kukësit
Qarku i Kukësit gjatë ditës së sotme nuk ka patur reshje bore në të gjithë territorin.
Sipas informacioneve të marra nga Firmat Kontraktore të akseve rrugore nacionale, strukturat e emergjencave civile në tre bashkitë, strukturat përgjegjëse që menaxhojnë situatën është si më poshtë:
Rrugët ,urat: Akset rrugore nacionale që përshkojnë Qarkun e Kukësit vazhdojnë të jenë nën efektin e temperaturave të ulëta për pasojë fenomeni i ngricave është prezent në të gjitha akset.
Aktualisht është kjo gjendje në akset të cilat janë prekur nga këto kushte atmosferike:
Në të gjitha akset rrugore nacionale qarkullimi i mjeteve bëhet normalisht pa zinxhirë.
Është punuar nga Firmat Kontraktore për hedhje kripe,hapje tombinash e pastrime gurëve e dherash.
Akset rrugore bashkiake:
Në përgjithësi akset rrugore janë të qarkullueshme normalisht.
Bashkia Kukës
Rrugët janë të pakalueshme në njësia Administrative Kalis, Bushtricë, Grykë-Çaj e Arrën.
Rrugët të kalueshme me vështirësi në njësia Administrative Ujmisht e Zapod.
Bashkitë Tropojë e Has, akset nacionale rrugore janë të qarkullueshme normalisht.
Rrugët janë të pakalueshme ne 6 fshatra te njësia Administrative: Lekbibaj Tropoje
Energjia elektrike
Furnizimi me energji elektrike në përgjithësi është normal në gjithë Qarkun.
Nuk janë furnizuar me energji elektrike njësia Administrative Arrën e njësia Administrative Kalis të Bashkisë Kukës të cilat furnizimin me energji e marrin nga Qarku i Dibrës.
Shkollat
Në përgjithësi proçesi mësimor ka vazhduar normalisht.
Nuk është zhvilluar proçesi mësimor në Shkollën e fshatit Kalis njësia Administrative Kalis, Shkolla e Fshatit Fshat të njësia Administrative Grykë-Çaj, Shkolla e fshatit Arrën, njësia Administrative Arrën.
