Kreu i grupit parlamentar të LSI-së, Vasili, e ka cilësuar si pozitiv por të pasinqertë dëbimin e ambasadorit iranian nga vendi ynë. Në një status në “Facebook”, Vasili shkruan se dëbimi duket më shumë një veprim i imponuar sesa vullnet i qeverisë.
Ai thekson duhet vepruar me forcë edhe kundër terrorizmit shtetëror, që grabit paratë te Unaza e Re dhe lejon hajdutët e qeverisë të rrinë në zyra.
“Largimi i ambasadorit iranian, ndonese pozitiv, eshte veprim shume i vonuar dhe i pasinqerte.
Duket nje veprim i imponuar e jo nje vullnet i qeverise,pasi indiciet e qarta te veprimeve terroriste nuk kane munguar edhe kohe me pare
Jemi te gjithe kundra terrorizmit dhe cdo veprim kundra tij eshte nje veprim jetik per konsolidimin e demokracise.
Po ashtu duhet vepruar me force kunder terrorizmit shteteror,qe grabit parate te unaza e re,qe mashtron per hir te vjedhjes deri ne Amerike,qe i lejon hajdutet e qeverise te rrine ne zyra dhe jo ne burg.” – shkruan Vasili në “Facebook”.
