Shkarkimi i Jose Mourinhos nga stoli i Manchester United ishte padyshim lajmi i kësaj jave në botën e futbollit.
Një ndihmesë drejt këtij vendimi ka dhënë edhe futbollisti shqiptar, Xherdan Shaqiri i cili me dy golat e tij i shkaktoi humbjen e fundit Manchester United-it.
Në një intervistë për “The Guardian”, Shaqiri ka thënë se pas shkarkimit të Mourinhos, ka marrë shumë mesazhe të çuditshme.
“Mora shumë mesazhe pozitive pas ndeshjes, por më vonë, kur u dha lajmi për Mourinhon, mora një mesazh: Ti je fajtori! Por ky është futbolli ndonjëherë. Megjithatë, nuk mendoj se fakti që e fituam ne atë lojë u bë shkak që United të ndryshonte menaxherin. Ka patur dhe arsye të tjera.”, tha Shaqiri.
