Kryetari i Bashkisë së Tiranës Erion Velaij i ka hapur luftë stripclub-eve.
Që prej datës 1 mars, këto biznese nuk do të lejohen të ushtrojnë veprimtarinë e tyre më në kryeqytet. Këto aktivitete të zhvendosen në periferi apo zona të caktuara.
Propozimi ka ardhur nga vetë kryetari i bashkisë Erion Veliaj dhe është pranuar njëzëri nga Këshilli Bashkiak.
Po ashtu, që prej vitit 2019 licencën për këto aktivitete, do ta japë vetëm bashkia e Tiranës.
“Të gjitha stripclub-et në Tiranë, afati është deri në 1 mars për t’u larguar nga zonat e banuara të qytetit të Tiranës. Nuk është normale që përballë çdo shkolle ka strip-klabe, ka ardhur koha ti përzëmë nga qyteti. Me këtë vendim, është bashkia e Tiranë që jep autorizimin final për çfarëdolloj biznesi”, është shprehur Veliaj.
Ky vendim u mor në mbledhjen e fundit të Këshillit Bashkiak.