Donald Trump, Presidenti i Shteteve të Bashkuar ka deklaruar se “nuk është bërë shumë përparim” për të ndërtuar murin në kufi me Meksikën, financimin e së cilës Trump e ka futur në buxhet, pasi udhëheqësit e Kongresit nuk plotësuan kërkesat e presidentit.
“Pas shumë dekadash duhet të zgjidhim përfundimisht problemet me kufirin jugor”, ka shkruar ai, duke kërkuar sërish fonde që të ndërtohet muri përgjatë kufirit SHBA-Meksikë, gjë që kundërshtohet fuqishëm nga demokratët
Trump po kërkon 5.6 miliardë dollarë fonde për ndërtimit e murit me Meksikën, ndërsa demokratët në Kongres kanë refuzuar që të shpenzojnë buxhet për ndërtimin e tij.
Por Trump iu është përgjigjur atyre ashpër duke deklarur se do të mbajë pjesërisht të mbyllur qeverinë “për muaj apo edhe vite”, derisa të plotësohet kërkesa e tij.
