Mësuesit grekë do të zhvillojnë një demonstratë të hënën, duke protestuar ndaj një sistemi të ri të emërimit të mësuesve në shkollat shtetërore, për të cilin ata pretendojnë se është i padrejtë për ata që kanë vite përvojë në sektorin publik.
Sindikata që përfaqëson mësuesit e shkollave fillore, e njohur me akronimin e saj DOE, u ka bërë thirrje anëtarëve të saj të bëjnë një grevë 24 orëshe të hënën, ndërsa sindikata e mësuesve të shkollave të mesme OLME, ka bërë thirrje për një largim tre orësh, nga ora 11 paradite deri në orën 2 paradite.
Të dy sindikatat u kanë bërë thirrje anëtarëve dhe mbështetësve të mblidhen jashtë Parlamentit për të protestuar ndaj legjislacionit të ri.
Veprimi vjen pas një tubimi të premten që u kthye i dhunshëm kur protestuesit u përleshën me policinë pranë Parlamentit.
Policia greke urdhëroi një hetim mbi pretendimet e ushtrimit të forcës së tepruar nga disa oficerë të policisë, ndaj një deputeti të Partisë Komuniste dhe një unionisti të DOE-s që u shtruan në spital me lëndime.
