Një përplasje ka ndodhur sot mes studentëve të Fakultetit të Inxhinierisë së Ndërtimit dhe policisë private.
Sipas studentëve, fillismisht policia private nuk ka lejuar futjen e ushqimit në fakultet si dhe nuk u është siguruar një klasë me ngrohje.
Studentët janë lejuar që në orën 8 të dalin jashtë për t’u ushqyer, por tashmë nuk i lejojnë të hynë më brenda.
Duke qenë se zona ka pasur ndërprerje të energjisë elektrike, një makinë e OSHEE-së ndodhej brenda territorit të shkollës.
Kur makina ka tentuar të dalë jashtë, studentët kanë shfrytëzuar rastin për të hyrë në oborrin e fakultetit të tyre dhe këtu janë përplasur me policinë.
“Roja private ka mbyllur dyert e fakultetit dhe nuk na lejojnë të hyjmë brenda. Por ne do të hyjmë dhe të bashkohemi me studentët. Dyert nga mbrapa, roja private i ka gozhduar me dërrasa.”, është shprehur një nga studentët.
Në fund studentët ia kanë dalë të hynë brenda fakultetit.
