Vetëm dy ditë pas vdekjes së një 68-vjeçari në Tiranë, një tjetër i pastrehë dyshohet se ka vdekur nga i ftohti në Durrës.
Ngjarja ka ndodhur pranë rrugës paralele me Portin.
Viktor Dhima, quhet personi i pastrehë i cili kishte ditë që kishte ndërruar jetë dhe trupi i tij është gjetur i dekompozuar.
Mësohet se vëllai i viktimës kishte ditë që e kërkonte, por nuk e gjente dot.
Një i pastrehë u nda nga jeta edhe në Tiranë dy ditë më parë. Ishte zëdhënësja e Partisë Demokratike, Ina Zhupa, e cila e denoncoi e para rastin dhe publikoi edhe një video nga vendngjarja.
Zhupa tregon se 68 vjeçari i pastrehë, Hasan Hykja, ka ndërruar jetë në Tiranë përballë QSUT-së.
Sipas saj, Hykja u nda nga jeta në të ftohtë pasi qendrat sociale nuk e pranonin sepse kishte këmbën e sëmurë diabetike.
VIDEO nga rasti në Tiranë
