Një automjet i policisë është aksidentuar sot në orët e para të mëngjesit në kryeqytet.
Mësohet se makina e policisë është përplasur me një automjet tip “Benz”, pranë kryqëzimit të “21 Dhjetorit”.
Sipas të dhënave paraprake, fatmirësisht nuk flitet për të lënduar por vetëm për dëme materiale.
Ende është e paqartë se si ndodhi përplasja mes dy automjeteve, por policia ka nisur punën për zbardhjen e kësaj ngjarjeje.
