Templates by BIGtheme NET

Caroline Wozniacki dhe Roger Federer kalojnë në turin e tretë të Australia Open

Kampionët në fuqi të Australian Open, Caroline Wozniacki dhe Roger Federer janë kualifikuar për xhiron e tretë të turneut të parë Grand Slam për vitin 2019, që mbahet në Melburn të Australisë.

Pasi mundi bindshëm Denis Istominin në xhiron e dytë, Federer hasi në rezistencë shumë më të ashpër nga numri 189 në rang listën e ATP-së, Dan Evans, i cili i është kthyer karrierës pas një viti të humbur për shkak të pezullimit për doping.

Mbrojtësi i titullit te meshkujt, Federer mundi Evansin me rezultatin 3:0 në sete, 7-6, 7-6 dhe 6-3.

Në ndeshjen e tij të tretë, Federer do të ketë përball amerikanin Taylor Fritz.

Kampionja në fuqi tek femrat, Wozniacki arriti xhiron e tretë me një fitore të lehtë 6-1, 6-3 kundër suedezes Johanna Larsson.

Ajo do të ketë përballë rusen Maria Sharapova ose suedezen Rebecca Peterson, varësisht se cila do të fitojë përballjen mes tyre. 

MUND TË KOMENTOSH

avatar
  Subscribe  
Më njofto