Me qindra emigrantë nga Amerika Latine janë parë të dalin nga 7 tunele të ndryshme të ndërtuara poshtë murit kufitar që ndan Amerikën me Meksikën.
Ndërkohë, qeveria amerikane është e bllokuar, miliona punonjës të administratës nuk janë paguar, për shkak se presidenti Trump kërkon 5.7 miliardë dollarë për të ndërtuar një mur më të lartë, gjë për të cilën demokratët nuk ia japin votat.
Kundërshtarët e presidentit Trump thonë se ndërtimi i një muri të tillë nuk është efikas, dhe një nga arsyet është pikërisht metoda e përdorur me këto tunele.
Sipas CNN, vetëm këtë javë janë arrestuar 400 emigrantë që kanë hyrë në SHBA nga tunelet, në territorin e Arizonës.
