Aktori i humorit Agron Llakaj është përlotur nga njeriu i tij i zemrës. Kjo ka ndodhur në emisionin “Dua të të bëj të lumtur” ku aktori i dashur i humorit kishte shkuar për të bërë aty një surprizë, një gruaje që kishte kaluar shumë vështirësi në jetë, për Nailen.
Pasi mbaroi këtë surprizë ai u surprizua nga mbesa e tij , Adea, e cila kishte disa kërkesa për gjyshin e saj. Para disa muajve Agron Llakaj është bërë sërish gjysh dhe për këtë arsye Adea kishte filluar të bëhej xheloze.
Sipas saj gjyshi i kushtonte më shumë vëmendje nipit, Teos dhe se ajo ndihej e mënjanuar. Agroni i emocionuar dhe i përlotur iu drejtua mbesës së tij me këto fjalë:
“Gjyshi e do shumë Teon, vëllanë tënd dhe fëmijët e tjerë që do vijnë pas tij, por ti je motivi i jetës sime. Mëso ta ndash botën me të tjerë sepse kështu do të jetë akoma edhe më e bukur!”
