Disa ditë më parë princi Philip, bashkëshorti i Mbretëreshës Elisabeth bëri një aksident me makinë. Makian e tij u përplas me një tjetër automjet në të cilën ndodheshin dy zonja dhe një fëmijë.
Njëra prej tyre ka pësuar thyerje në kyçin e dorës, ndërsa fëmija dhe drejtuesja e automjetit nuk janë dëmtuar. Mediat kanë kontaktuar me burime pranë pallatit për të marrë një konfirmim nëse zonja në fjalë ka pasur kontakt me ndonjë person nga pallati për ngjarjen në fjalë dhe zyrtarët janë shprehur se e kanë telefonuar dhe i kanë kërkuar falje.
Por kjo gjë është mohuar nga vetë vajza e cila ka ngelur e lënduar nga ky aksident, E kontaktuar nga ‘Sunday Express’ ajo është shprehur se nuk ka marrë asnjë telefonatë nga pallati as për të kërkuar ndjesë e as për të uruar shërim të shpejtë.
