Templates by BIGtheme NET

Mosdekretimi i Cakajt, Rama: Kemi gati padinë ndaj presidentit

Pasi parlamenti votoi për vendosjen e Edi Ramës edhe si ministër të Jashtëm, ka folur për meidat vetë kryeministri. Rama u shpreh se ka gati padinë në Gjykatë Kushtetuese për Presidentin e Republikës, Ilir Meta. Rama shtoi se ishin kushtet që e detyruan ata të marrë postin e ministrit të Jashtëm, pas mos dekretimit të Gent Cakajt në këtë post.

“Në kushtet kur nuk ka një Gjykatë Kushtetuese ende dhe në pritje të formimit të Gjykatës së Re Kushtetuese, për të trajtuar në rrugë institucionale shkeljen e kushtetutës nga ana e presidentit, u detyrova të marr këtë vendim. Duke e besuar nga njëra anë se projekti i qeverisë së re nuk duhet cënuar dhe nga ana tjetër nuk do të duhej të zgjidhej një tjetër mninistër i Jashtëm për një periudhë të shkurtër.

Ne kemi përgatitur padinë, në fakt duhet të jenë një numër padish në Gjykatën Kushtetuese për një sërë shkeljes nga ana e presidentit, pro edhe për rastin konkret.  Kjo është një çështje që duhet zgjidhur qartë dhe përfundimisht, në kushtet kur presidenti ka marrë përsipër të veprojë në kundërshtim me traditën e asaj zyre dhe me të gjithë paraardhësit, pavarësisht se kanë qenë të një pale apo një pale tjetër. Askush nuk e ka bërë këtë më parë.”, u shpreh Rama. 

 

MUND TË KOMENTOSH

Komento i pari

avatar
  Subscribe  
Më njofto