Deputeti i Partisë Demokratike, Klevis Balliu, ka publikuar një video ku tregohet qëndresa e banorëve të Unazës së Re në protestën e tyre disa mujore, kundër prishjes së banesave së tyre, që preken nga zgjerimi i rrugës nga Sheshi Shqipona te Pallati me Shigjeta.
Balliu ka bërë thirrje që qytetarët t’i bashkohen protestës së banorëve të Unazës së Re, Bulevardit dhe studentëve për të larguar qeverisjen e korruptuar të Edi Ramës.
Pas disa javësh protestë, në media u publikuan dokumentet e falsifikuara për tenderin e njërit nga lotet e Unazës së Re, gjë që çoi edhe në pezullimin e punimeve.
