Detaje të reja kanë dalë nga vrasja e Arben Gjecës që ndodhI mbrëmjen e djeshme në fshatin Balstar i Mesëm të Tiranës. Mësohet se autori i dyshuar i kësaj ngjarjeje të rëndë është vëllai i së dashurës të viktimës. E.Cani e ka goditur me sende të forta në kokë 34-vjeçarin pasi e motra e tij kishte lidhje dashurie me këtë të fundit.
20-vjeçarja e arrestuar me iniciela E.C kishte lidhje dashurie me viktimën dhe njëkohësisht është bashkëshortja e të arrestuarit tjetër me iniciale D.K.
Njoftimi i policisë:
Pas një pune intensive dhe të pandërprerë 48 orëshe, Policia e Tiranës në bashkëpunim me Prokurorinë e Rrethit Gjyqësor Tiranë ka zbardhur rrethanat dhe arrestuar 3 persona, për një ngjarje të raportuar në nisje si një vdekje aksidentale.
Dyshohet se shtetasi E.C., më datë 24 janar 2019, rreth orës 20:30, në fshatin Bastar i Mesëm ka goditur me sende të forta në kokë shtetasin A.Gj., 34 vjeç, duke i shkatuar dëmtime të rënda në kokë. Për pasojë i riu humbi jetën në Spitalin e Traumës.
Ngjarja u raportua si aksidentale. Por hetimet provuan të kundërtën. Në polici u shoqëruan disa shtetas dhe u kryen disa veprime komplekse hetimore në konfidencialitet të plotë.
Në vijim të këtyre veprimeve, dyshohet se shtetasit D. K., dhe E. C., me veprimet dhe mos veprimet e tyre kanë fshehur të vërtetën e ngjarjes së ndodhur. Gjithashtu nga kontrolli i ushtruar në banesë u gjet edhe një sasi lënde e dyshuar kanabisi.
Shërbimet e Policisë Tiranë bënë arrestimin e shtetasve:
– E.C., 31 vjeç, për veprën penale “Plagosje e rëndë me dashje me pasojë vdekjen”;
– D.K., 29 vjeç, për veprën penale “Veprime që pengojnë zbulimin e së vërtetës” dhe “Prodhim dhe shitje të lëndëve narkotike”;
– E.C., 20 vjeçe, për veprën penale “Veprime që pengojnë zbulimin e së vërtetës”.
Për shkak të hetimeve nuk mund të jepen detaje të tjera, ndërkohë materialet i kaluan për veprime të mëtejshme Prokurorisë së Rrethit Gjyqësor Tiranë.
Hetuesit mendojnë se ngjarja ka si motiv pasionin, pasi viktima dyshohet se kishte lidhje me bashkëshorten e njërit prej të dyshuarve të familjes Cani.
