Kryeministri palestinez, Rami Hamdallah, ka dorëzuar dorëheqjen e tij tek Presidenti i Autoritetit Palestinez, Mahmud Abbas, duke ndërlikuar përpjekjet për pajtimin me krerët e Hamasit në Gazë.
“Kryeministri dhe ministrat e tij e mirëpresin vendimin e Komitetit Qendror të Fatah për të formuar një qeveri të re.“ – tha zëdhënësi i qeverisë së Autoritetit Palestinez, Jusuf al-Mahmoud, në një deklaratë. “Kryeministri Rami Hamdallah e ka vënë qeverinë e tij në dispozicion të Presidentit të Autoritetit.” – shtoi ai, duke nënkuptuar një dorëheqje të afërt brenda kabinetit.
Dorëheqja e Hamdallahut erdhi vetëm disa ditë pasi Abbas i kërkoi atij të largohej, sipas njoftimeve. Ky veprim do të pengojë një marrëdhënie tashmë delikate me rregullat e Hamasit, por Abbasi nuk dëshiron që Hamasi të përjashtohet nga qeveria e re që do formohet.
“Ne shpresojmë që të gjitha fraksionet palestineze do të marrin pjesë në këtë qeveri dhe unë i bëj thirrje Hamasit për të marrë pjesë.” – tha ai.
