Vendosni fjalën kyçe....

Arrestohet polici, akuzohet se ka shfrytëzuar seksualisht një 16-vjeçare


Një polic është arrestuar në Kosovë pasi akuzohet se ka shfrytëzuar seksualisht një 16-vjeçare.

Lajmi.net raporton se Inspektorati Policor i Kosovës përmes rrugëve operative ka pranuar informacione anonime lidhur me dyshimet për  kryerje të veprimeve të kundërligjshme nga një zyrtar policor, punonjës në stacionin policor në Drenas (me gradën e rreshterit).

Si rezultat i këtyre veprimeve hetimore hetuesit e IPK-së kanë realizuar dje (05.02.2019) edhe një urdhëresë për bastisje në disa vende duke përfshirë shtëpinë e të dyshuarit, zyrën e tij në Stacionin Policor në Drenas dhe një ordinancë private (mjekësore).

Gjatë bastisjes janë sekuestruar disa sende që mund të shërbejnë si prova në procedurën penale.

Pas intervistimit të të dyshuarit (punonjësit policor me inicialet V.V) i njëjti është arrestuar nga Inspektorati Policor dhe me vendim të prokurorit i është caktuar masa e ndalimit për 48 orë me dyshimin se i njëjti ka kryer veprën penale të “dhunimit” dhe “keqpërdorimi seksual duke keqpërdorur pozitën, autoritetin apo profesionin (e paraparë në nenin 239 të Kodit Penal).

Hetimet nga Inspektorati Policor lidhur me këtë rast do të vazhdojnë edhe lidhur me dyshimet për përfshirjen e të dyshuarve të tjerë në këtë rast.


Leave a Reply

Your email address will not be published. Required fields are marked *