Presidenti rus Vladimir Putin, ka shkaqrkuar nga detyra njëmbëdhjetë zyrtarë të lartë ushtarakë që mbanin poste qeveritare.
Në dekretin e bërë publik më 8 shkurt, thuhet se Putin ka zëvendësuar nëntë gjeneralë dhe dy kolonelë, të cilët mbanin poste të nivelit të lartë në Komitetin Hetimor dhe në Ministrinë e Brendshme dhe atë të Emergjencës, shkruan RFERL.
Mes zyrtarëve të shkarkuar bëjnë pjesë gjenerali Sergei Solopov, shef i drejtorisë për parandalimin e korrupsionit në forcën policore të Moskës si dhe gjenerali Irina Zeibert, ndihmës i lartë i shefit të Komisionit hetimor. Arsyet për shkarkimet e njëmbëdhjetë zyrtarëve të lartë nuk jepen në dekret.
