Templates by BIGtheme NET

Ambasadorja gjermane: Investitorët kërkojnë një mjedis solid ekonomik, qeveria duhet të luftojë korrupsionin

Ambasadorja gjermane në Tiranë, Susanne Schutz, shpreh kritika të forta lidhur me kushtet që Shqipëria u ofron investitorëve të huaj. 

Gjatë fjalës së saj në pritjen e përvitshme të Shoqatës Gjermane të Industrisë dhe Tregëtisë, diplomatja tha se sipërmarrjet kërkojnë më shumë siguri dhe ministri që nuk janë të korruptuara

Ambasadorja gjermane shuplakë qeverisë: Investitorët nuk kërkojnë korrupsion, por siguri ligjore

“Investitorët dëshirojnë të dëgjojnë histori suksesi nga sipërmarrje, të cilat janë tashmë prezente në tregun shqiptar.

Ajo çka kërkojnë investitorët në Shqipëri është: siguri ligjore, transparencë dhe një administratë mirëfunksionale, efektive dhe jo të korruptuar.

Për fat të keq, shpesh investitorët gjermanë dhe të huaj, të cilët kanë tashmë përvojë në tregun shqiptar, kanë shprehur kohët e fundit dyshime serioze dhe shqetësime të shtuara në lidhje me një mjedis jo “fair” dhe solid në sektorin e ekonomisë në Shqipëri”, është shprehur Schutz.

Presidentja e DIHA-s, Stephanie Sieg, u ndal tek fenomeni i emigracionit duke theksuar se është momenti të tregohet kujdes në përmirësimin e kushteve në vend, me qëllim që të frenohet vrulli i emigracionit që po përjeton vendi .

“Si një shoqatë që ka në fokus të saj, përmirësimin e kushteve ekonomike, të cilat janë bazë për nxitjen e investimeve, tregtisë dhe shërbimeve në Shqipëri, si dhe zhvillimin e marrëdhënieve bilaterale ekonomike ndërmjet Shqipërisë dhe Gjermanisë, DIHA ndjek me vëmendje zhvillimet në vend dhe ofron mbështetjen e saj për përmirësimin e klimës së biznesit në Shqipëri.

Lufta kundër problemeve si korrupsioni, burokracia, papunësia duhet të jetë prioritet i përbashkët i Qeverisë, biznesit dhe të gjithë shoqërisë”, deklaroi Stephanie Sieg.

Kujtojmë që, Gjermania është një nga 7 investitorët më të mëdhenj në vend, me një portofol prej 123 milionë eurosh.

MUND TË KOMENTOSH

Komento i pari

avatar
  Subscribe  
Më njofto