Tre pjesëtarë të një familjeje janë paraqitur në gjendje të rëndë mbrëmë në spitalin e Elbasanit.
Kjo ka ndodhur në mesnatë, ku çifti Xhevit Shoshi 61 vjeç dhe Evgjeni Shoshi 53 vjeçe si dhe e bija e tyre 33- vjeçe, Eriselda Shoshi, kanë mbërritur në gjëndje të rëndë si pasojë e asfiksimit.
Tre personat banojnë në lagjen 28 Nëntori në Qytetin e Elbasanit dhe ishin asfiksuar si pasojë e çlirimit të gazrave të qymyrit që përdornin për ngrohje.
Pas marrjes së ndihmës mjekësore, fatmirësisht prindërit dhe vajza ndodhen jashtë rrezikut për jetën.
Ky është rasti i tretë në pak muaj që në spitalin e Elbasanit paraqiten raste të rënda të asfiksimit të qytetarëve si pasojë e harresës së mangallit me qymyr ndezur në dhomën e gjumit gjatë natës.
